ХХХI чэмпіянат Еўропы па мастацкай гімнастыцы адбыўся 1-3 траўня ў Мінску. Выступіла больш за 600 удзельніц з 38 краін свету.

Беларускія спартоўкі здабылі 9 медалёў — адін залаты, чатыры срэбныя і чатыры бронзавыя.

Адзіны медаль вышэйшай пробы заваявалі дзяўчынкі з юніёрскай зборнай у групавых практыкаваннях з пяцю мячамі. Карына Ярмоленка, Аліна Гарноська, Маргарыта Авадзінская, Анастасія Рыбакова, Ганна Швайба і Аляксандра Саладуха — нашыя чэмпіёнкі!

Лідар жаноцкай зборнай Беларусі Меліціна Станюта фінішавала другой у практыкаванні з абручом. Бронзу ў гэтых спаборніцтвах заваявала яшчэ адна беларуска Кацярына Галкіна.

У практыкаванні з мячом Станюта замкнула тройку наймацнейшых.

У фінале з булавамі беларускія дзяўчаты Станюта і Галкіна набралі аднолькавую суму балаў, а таму падзялілі трэцяе месца.

Яшчэ адзін срэбны медаль Станюта заваявала ў кампазіцыі са стужкай.

Медальны залік:
Расія — 6 залатых, 2 срэбных медалі,
Беларусь — 1, 4, 4,
Украіна — 0, 1, 2,
Азербайджан, Ізраіль — па 0, 0, 1.